Tun dinhmuna Netflix series hit ber mai chu ‘Queen Charlotte’ a ni ta a, kar thum zawnin number one a ni.
Heti anga zela a kal tluan chuan series lar ber leh hit ber a ni mai dawn, tihna a ni a, view hours neih tawhzat maktaduai 158.68 a pel daih tawh a, May 4-a tlangzarh khan ni li chhung lekin heti zat viewing hours a siam nghal thei.
Shonda Rhimes siam ‘Queen Charlotte’ hi Netflix-a series en nasat ber a ni chiang hle a, ‘Bridgerton’ season hnih nen khan huang khatah awmin, a dinhmun a la tha fe nghe nghe.
‘Queen Charlotte’ a lansar vah lai hian ‘Bridgerton’ season hmasa pahnih pawh khan entu a kokhawm ve reng tho a, number nine dinhmun luah mah se, viewing hours a nei ngah.