Thawhleh zan khan English Premier League-a kaisang tur zawnna play-off semi-final khelh a ni a. Luton Town chuan an mikhual Sunderland chu si hnih faiin an hneh a, si belhkhawmah 3-2 a hnehna changin final an lut. Kum 1992 hnu lamah vawi khat nan English top-flight khel turin Luton hian vawi khat chak chiah an mamawh tawh.
Semi-final thawh khatnaah 2-1 a tlawm tawh Luton Town hian an mualah bul an tan tha viau a. Minute 10-na lekah goal an thun nghal. Kenil-worth Road-a an mikhual Sunderland lakah hian Gabriel Osho chuan hmahruaina goal a thun. He goal hmang hian smei-final thawh khatnaa an si phurh sut zawh a ni a. An mualah hnehna chan theih beiseina sang zawk an nei thar a, phur zawkin an inlan zui theih phah bawk.
Hma takah goal an thun vanga phur taka inlan Luton hian na takin an mikhualte an nawr chhunzawm zel a, chawlhlawk hmain goal dang an thun belh leh. Minute 43-naah Tom Lockyer chuan Doughty chuan an goal hnihna a thun a, si belhkhawmah 3-2 a hmahruai chungin chawlhlawk an hmang.
Chawlhlawk hnu lamah inkhel a hmuhnawm zui viau a, goal dang a luh belh theih tawh loh vangin Luton Town chuan pay-off final an lut a. May 27 final khelh turah Middlesbrough leh Coventry City te inkhela chak zawk zawk an hmachhawn zui leh ang.