Mumbai Traffice police chuan Bollywood star Anushka Sharma vengtu chu helmet tel lo leh driving license nei lova bike khalh vangin cheng 10,500 a chawitir.
Twitter kaltlanga tarlannaah Mumbai Traffic Police hian thlalak phochhuakin, Sec 129/194(D), Sec 5/180 & Sec 3(1) 181 MV act hnuaiah driver cheng 10500 chawitir a nih thu an tarlang.
Helmet khum loh hi Dan kalh a nih vangin cheng 500 chawi theih a ni a, license mumal nei lova lirthei khalh hi cheng singkhat chawi theihna a ni bawk.
Hemi rual hian Amitabh Bachchan phurtu bike neitu ni bawk chu Traffic police hian cheng 1000 chawi a ngaih thu an tarlang bawk.
Tunkar tir lam khan Amitabh leh Anushka te hian traffic jam nasa tak karah a hun taka film shooting thlen hman loh hlauin, bike-a an chuang ve ve a, social media lamah nasa taka umzui niin, faktu thahnem tak karah helmet khum lova himna ngai pawimawh tawk lo nia puhna pawh a riring hle.