Aizawl : May 17-18, 2023 chhung khan Synod finance committee chu Synod Moderator Rev. Dr. C. Chawnghmingliana kaihhruaiin an thukhawm a. Synod finance officer Rev. VL. Luaia Hranleh-in Synod office leh department hrang hrang bakah Mission field sum te audit zawh fel a nih tawh thu a report a. Josepha Buhzem-a sum hmuh tawh zat Rs. 1,51,92,379 a nih thu a report bawk.
Vawiin hian pastor bial hrang hranga bial treasurer-te tan account training, Synod conference centre, Aizawl-ah buatsaih a ni dawn a. Synod Finance Manager Upa Lalsawmliana’n Synod sum vawn dan chungchangah zirtirna a pe ang a, Accountant Zaihmingthanga Fanai-in treasurer te sum ziahna bu leh thawhlawm form hman dan te, tha- whlawm hrang hrang chhun dan chungchang ah te zirtirna a pe thung ang.