Aizawl: Manipur-a tribal MLA 10-te bakah pawl hrang hrang panga thukhawm chuan Maipur tual chhung buaina chungchangah Manipur sorkar inbiakpui loh an rel.
Nilaini zan khan Manipur MLA 10 leh pawl panga – Indigenous Tribal Leaders’ Forum (ITLF), Kuki Inpi Manipur (KIM), Zomi Council, Hmar Inpui (HI) leh Civil Society Organisation (CSO) te chu Aijal Club-ah an thukhawm a. Manipur tual chhunga chi leh chi inkara buaina awm mek hmachhawn tur hian lungrual taka tan ho an rel a. Tuna Manipur sorkar pawh inbiakna engmah neihpui loh nise an ti.
He thutkhawmah hian pawl dangte nen thawhhona tha zawk a awm theih nan te, tlang hrang hranga Zohnahthlakte inpumkhatna leh inlungrualna nghet zawk a thlen theih nana a hma thei ang bera inrawnkhawmna zau zawk neih an rel bawk.
Thutkhawma tel zawng zawngte hian Manipur tual chhung buaina avanga sahimna zawnga Mizorama lutte tha taka dawngsawnga tuamhlawmtu Mizoram sorkar, tlawmngai pawl, kohhran leh Mizoram mipui zawng zawngte chungah lawmthu an sawi bawk a ni.