MNF Adviser, MNF publicity board Vice Chairman ni bawk J Malsawm- zuala’n thudik tluan- tlinglo hmanga MNF sorkar beihna a nasa nia sawiin, zawldawh leh thuhnuairawlh tak chunga thu dik zawk sawifiah thin tur leh sorkar hmalaknate midangte hrilhfiah kawngah tan la thar turtein party mi te a chah.
Serchhip Chanm- ari-a MNF unit II a tlawhnaah he thu hi nimin khan J Malsawmzuala chuan a sawi a. MNF sorkar dinglaiin hmuhlawk loh harsatna tam tak tawk mahse, mipuite rawngbawl hna thawh kawngah leh hmasawnna ruhrel din kawngah theihtawp a chhuah niin a sawi.
“Ei leh bar leh mipui nitin mamawh thil chi hrang hrangah harsatna lutuk tawk lovin, Covid 19 hri leng leh ramria buaina avang rei tak motor kawng danpinte min paltlangpuia, hun danga la thleng ngai lo, khawchhak tlangdunga lirnghing te, Vawk pul hri leng te pawh min paltlangpui a ni” J Malsawmzuala chuan a ti.
MNF Adviser, publicity board Vice Chairman ni bawk cuhan “MNF hi Mizote luah chin rama hnam leh sakhaw himna tura huaisen taka hma la thin a ni” a ti a. “Mizo hnamin harsatna a tawh apianga sorkarna chang tura thlanawm ber party, dinna nghet tak nei a ni’ a ti bawk.