Aizawl: Mizo Zirlai Pawl (MZP), General Hqrs leh Indigenous Tribal Leaders Forum (ITLF), Manipur te chu nimin khan MZP Pisa Pui, Aizawlah an inkawm a, Manipur buaina intan dan leh he buaina avanga Zofate tawrhna chungchang an sawi ho.
An inkawmnaah hian ITLF chuan buaina an tawh laia an ngaihsakna leh an buaipuina avangin Mizoram sorkar leh mipui, MZP chungah lawmthu an sawi a. He buaina hian Zofate inkarah inunauna tha zawk thlen se an duh thu an sawi.
ITLF chuan Manipur Zofaten ei leh barah harsatna an tawh mekah ei leh bar lak luhna kawng that siam an duh a, ei leh bar lak luhna atana pawimawh, Tuivai lei chu fur ruahtui tlak hmaa siam thata thawm that an duh thu an sawi bawk.
MZP hruaitute pawhin Manipur buaina avanga Zofate tawrhna a hriatthiampuiin pawi an tih thu an sawi a, an tan theihtawp an lo chhuah tawh thin angin, a tul angin tanpui zel a tum thu an sawi.