English Premier League-ah Manchester City champion hun a hnai deuh deuh zel. City hi zaninah champion thei dinhmunah an ding a. Zaninah an champion lo a nih pawhin Pathianni zanah champion thei an la ni tho bawk.
Zanin hian pahnihnaa awm mek Arsenal chuan Nottingham Forrest an hmachhawn dawn a. Gunners hi City Ground-ah Nottingham Forrest laka an tlawm a nih chuan khelh hah ngai lovin City an champion nghal dawn. Arsenal in Nottingham an hneh a nih pawhin City hian pathianni zanah champion theihna hun tha an la nei.
City hian Pathianni zan dar 8:30-ah Chelsea an mikhual dawn a. Etihad Stadium-ah an chak a nih chuan City hi EPL champion thar an ni ang.