Mimal zalenna nekchepa awmin, dinhmun derthawng taka inngaihna vangin Cardiff khawpuia Beyonce concert-a police te’n facial recognition an hman chu nasa taka sawisel a ni.
‘Renassaince’ tour pui tak kalpui mekah UK-a show hmasa berah police te chuan Cardiff city centre-ah he thiamna hi an hmang dawn tih an lo sawi lawk vek tawh a, mahse stadium chhungah erawh a ni lovang, an ti.
Heti anga an tihna chhan hi pawikhawihnaa inhnamhnawih te hmuhchhuah a, hriatchhuah zung zung theih nan ti ni mah se, mihring dikna leh chanvo humhalhtu pawl hrang hrangte chuan an sawisel nasa hle a, chi leh vun rawng inthliarna nasa tak a thlen an hlauhthawn vang a ni ber.
South Wales Police hian faction recognition thiamna an hman rualin, watch list-a awm lem lo te data reng reng dah tha lovin, an delete nghal zel dawn niin an sawi.