Aizawl : MNF thalaiin MBSE-in vawiina HSSLC exam result an tihchhuahah zirlai zaa 78.66 in an pass theih avanga lawmawm an tih thu an sawi a. HSSLC pass thar te la- wmpuiin, pass zo ve ta lo te pawh hnual mai lova result tha zawk nei tura bei zel turin duhsakna an hlan.
MNF thalai chuan hum hmasa lamah hrileng avangin zir tur chin (syllabus) 30% a tihhniam a nih thu leh zawhna awls- am zawk tihchhuah tam a nih avangin pass an tha ni- in an sawi a. “Kuminah course tih tlem a nih tak loh avangin exam zawhna pawh harsa zawk telh tam a ni chunga result tha tak kan la nei thei hi lawmawm kan ti hle” an ti.
Kum hmasa lam aiin Science leh Commerce result a tha zawk chuan Zoramthanga kaihhruai sor- kar hnuaia zirna leh Education Minister Lalchhandama Ralte enkawl zirna In ten hma an sawn zia a ti lang chianga an ngaih thu MNF thalai chuan an sawi a. Result ṭha nei tura zirtirtute inpekna fakawm an tih thu an sawi bawk.
National Student’s Un- ion of India (NSUI), Mizoram state pawhin HSS- LC pass thar te lawmpuiin, pass zo ve ta rih lo te an tawrhpui thu an sawi a. Stream hrang hrangah sorkar school, zirtirtu nei tha leh hlawh pawh tam zawka ngaih ten pass percentage-ah private school-te an phaklo thin erawh sorkar leh sorkar zirtirtute an inenfiah a ngai nia an hriat thu an sawi.
MZP pawhin MBSE-in HSSLC exam result a tihchhuah taka pass te an lawmpui thu sawiin, hlaw- htling ve ta rih lo te pawh beidawng mai lova rilru thar pua a lehpekah hlaw- htlinna chang ngei turin duhsakna an hlan a. HS- SLC result tichhuak tura an thawhrimnaah MBSE-a thawktute chu fakin lawmthu an hrilh bawk.