February 1, 2021-a mipui rorelna hnehchhuhtu sipaite hotupa, Min Aung Hlaing chuan ram rorelna a chelh hnua a vawi khat nana interview a neihnaah Aung San Suu Kyi chu court-ah a inlan thuai tur thu a puang.
“Daw Aung San Suu Kyi chu hrisel takin a awm. An chenna inah dam takin a awm. Tun atanga reilo teah a thubuai ngaihtuah turin court-ah amah a inlan ang,” tiin Hong Kong-a inkhuar, China tawng hmang, Phoenix Television-in an kawmna tlem azawng a tihchhuahah Min Aung Hlaing hian a tar lang.
Vawiin hian court-ah amah ngei kalin Suu Kyi chu Nay Pyi Daw khawpuiah a inlan dawn a. A hmain video link hmang hlirin a inlan thin a, tun thlengin a lawyer nena a hrana inrawnna hun an la siamsak lo.
Sipai hotute chuan sipaite leh mipuite chu ni tin lungawi lohna an lantirnaah te, pawikhawihna chhuakah leh ram puma nawrhna an huaihawtna hmunah an intihbuai fo avangin security thil chhuanlamain Suu Kyi chu a lawyer nen inkawm an la khap chhunzawm.
Sipai ep zawnga an chet avangin Myanmar-a school zirtirtu mi 1,25,000 chuang chu an hna atanga chawlh lailawktir.