Portuguese club Benfica chuan kum li chhunga a vawikhatna atan Primeira Liga title an chawi a. An season tawp ni ah Santa Clara 3-0 a hnehin an champion.
Estádio da Luz-ah Benfica hian Goncalo Ramos, Rafa Silva leh Alex Grimaldo te hmangin goal khungin point thum an hmu.
An elpui FC Porto chuan 3-0 thovin Guimaraes an hneh a, nimahsela point hnih a an phak loh avangin kum 2018-19 hnuah Benfica in league title an la leh tihna a ni.
Benfica hian Portuguese record siamin league title vawi 38 an lakna a ni a. Tun season-ah inelna hrang hrangah vawi li chauh an tlawm a, heng zinga vawi thum hi April thla a a thleng niin ni 9 chhungin vawi thum an tlawm.