Aizawl : John Memorial High School, Sairang chuan zirtawpni khan an kum 20 tlin lawmna leh an school atanga HSLC pass tharte lawmpuina hun an hmang a, Aizawl West-I MLA Zothantluanga’n a hmanpui.
He hun C. Lalngaihzuala kaihhruai ah hian khuallian Valtea chuan thu sawiin, John Memorial School-in kum 20 chhung zet naupang te zirtir hna an lo kalpui thei chu fakawm a tih thu leh kumin 2023 HSLC result chhuaka School naupang mi 49 zetin hlawhtlinna an chang chu a lawmpui thu a sawi.
MLA hian HSLC pass thar te hnenah hian lawmpui nan Dictionary a hlan vek bak a. Distinction a pass zirlai te hnenah Rs. 2,000 theuh a pe a, an kum 20 tlin lawmpui nan Rangva thahnem tak a hlan bawk.
John Memorial High School, Sairang hi kum 2003 a din niin, kuminah hian zirlai naupang – 155 awmin, Zirtirtu – 7 an awm mek a ni.