Borussia Dortmund a khel England midfielder Jude Bellingham chu Bundesliga Player of the season atan an thlang.
Kum 19 mi, tunlaia midfielder ngaihven hlawh ber zing ami hi Dortmund in title an chuhna kawnga an mi pawimawh a ni a. League match 31 khelin goal 8 a khung bakah midang khung tur vawi nga a siamsak.
Tun nipui a Euro maktaduai 100 vel bawra Real Madrid zawm mai tur anga sawi ni mek Bellingham hian, “He club-ah hian kumtin ka mawhphurhna a sang telh telh a. Khelmual chhungah inkhel thunun a, team tan kawng engkimah theihtawp ka chhuah thin”
“Ka teammate te, coach leh staff zawng zawngte avangin hma ka sawn a, player naupang beiseiawm angin helaiah ka lut a, anni vang hian hma ka sawn.” a ti.