Chelsea chuan South American rawlthar beiseiawm lalut turin inremna an nei a, Ecuador Under-20 international Kendry Paez chu Independiente del Valle an lalut dawn tih an puang.
Kum 16 mi Paez hi South America a football talent nei tha ber zinga chhiar tel a ni der tawh a, an ram league sang ber a hmahruaitu Independiente del Valle tan vawi nga a inlan der tawh.
Chelsea hi kum 18 a tlin hunah May 2025 hian a zawm ang.
Ball khawih thiam leh tlan chak Paez hi kumin a Under-17 South American Championship-ah Ecuador player pawimawh a ni a. Brazil nen final an khelhna kawngah tangkai in goal hnih a khung.
Attacking midfield leh dinglam sira a tul dan anga chhawr theih niin Chelsea in tun nipuia inremna an neihpui an puan hmasak ber a ni.