Aizawl: MZP Sub Headquarters, Vairengte chuan nimin khan an khuaa Multipurpose Hall-ah zirlai ti thate chawimawina hun an hmang a, Serlui bialtu MLA Lalrinsanga Ralte-in a hmanpui.
Zirlai ti thate chawimawina hun hi MZP Sub Hqrs President Lalramnghaka’n a kaihruai a, MLA Lalrinsanga chuan thu sawiin zirlai pass thar zawng zawngte chu a lawmpui thu leh an kal leh zelna turah duhsakna a hlan a, zirlaite chu an nih tumah chianga tum fel tak nei tura chahin, an nih tum ni thei tur chuan mi dangte aia pen khat tala an pen tam a ngaih thu a sawi.
Serlui bialtu MLA chuan VESA leh MZP hruaituten an ngen angin Vairengtea school pahnih – Hermon UPS leh RMSA, IOC, Vairengte tan thutthleng leh dawhkan eng emaw zat pe nghalin Serlui bial chhung zirna in atanga HSLC leh HSSLC distinction-a pass-te chu lawmpuina atan laptop, citation leh JF Dictionary bute bialtu MLA chuan a pe theuh.
Serlui bial chhung mi zirlai HSLC leh HSSLC pass thar zawng zawngte hnenah lawmpuina atan citation leh JF Dictionary a pe vek bawk a ni.