Mumbai khawpui leh a dai velah nimin tuk khan chuan fur ruahtui an khamkhawp piah lam an dawng a, an kawngte leh leihnuai kawngte chu tuiin a chim avangin kal an khap phah.
Traffic leh nunphung a tibuai nghal a, tualchhung bus leh rel tlan a tihbuai phah hle.
Mumbai Office-a India Meteorological Department chief Dr Jayanta Sakar chuan Mumbai-in fur ruahtui a dawng tan tih a sawi.
Ruah hi an beisei ai hma ni khatah an dawng a, June 10 vel atangin an dawng thin.
Mumbai Colaba observatory chuan zing dar 8:30 thlenga darkar 24 chhunga ruah tla chu 77 mm a ni a, Santacruz chuan an chhinchhiahnaah 60 mm a tling thung.
Darkar reiloteah Mumbai hmun hniam lamah tui a tling nghal teuh a, King Circle-a Gandhi Market leh Vile Parle-a Milan subway-te an tel.