Irrigation & Water Resources Minister C. Lalrinsanga’n PMKSY-Har Khet Ko Pani 2019-20 kaltlanga Rs. 2,54,36,000 senga ruahman Zaupui Ground Water Irrigation Project chu nimin khan South Vanlaiphai-ah a hawng.
Minister C. Lalrinsanga chuan Zaupui Ground Water Irrigation Project chu kuthnathawktute hmalakna kawng hrang hranga hmasawnna nasa tak thlentu a nih ngei a beisei thu sawiin, he project tihlawhtling tura theihtawp chhuahtu I&WRD thawktute chu- ngah lawmthu a sawi.
Zaupui Project tiam hian I&WRD chuan PMKSY Scheme kaltlangin Mizoram hmun hrang hrangah Ground Water Irrigation Project 13 a ruahman thu Minister chuan a sawi.
Kuthnathawktute hmasawn zelna tura Mizoram sorkar hma- lakna kal mek chung- chang sawiin, Minister chuan Mizoram tan Collective Farming Policy duan mek a nih thu a sawi a. He policy hnuaiah farmer intelkhawmten Farmer Producer Organization (FPO) an din anga, sorkarin a tul angin an mamawh khawl te a ruahman sak anga, FPO te hian kum khatah thlai chi hrang pathum tal chingin, kuthnathawktute hmalakna mumal zawkin a kalpui theih dawn a ni, a ti.
Kuthnathawktute tharchhuah hralh kawnga hmalatu tur Agriculture Produce Marketing Committee pa- wh din thuai tum a nih thu Minister chuan sa- wiin, Thingdawl khua ah tissue culture hm- anga alu chi siam chhuahna hmun pawh ruahman mek a nih thu a sawi a. RKVY scheme kaltlangin Mizoram hmun hrang hrang Solar Cold Storage 12 ruahman tura hmalak mek anih thu a sawi bawk.
EE (P), IWRD Er. L. Malsawma Hauhnar-in Zaupui Ground Water Irrigation Project chungchang a sawi danin, he project hi PMKSY-Har Khet Ko Pani 2019-20 kaltlanga ruahman a ni a. He project in a huam chin chu hectare 91 a zau a ni. Beneficiary kuthnathawktu chhungkaw 78 niin, tube well 31 leh 5HP solar panel 31 te bun an ni.
He ground water irrigation-in tui a pump chhuah chak zawng second khat zelah litre khat a ni a, RCC a siam tui dahkhawlna litre 39,250 lenna reservoir pasarih buatsaih a ni bawk.