Tamil Nadu camp pahniha sai 56-te chu Covid-19 an kai leh kai loh enna sample lak an ni.
Forest Minister K Ramachandran chu amah ngei kalin Kozhikmudi camp-a sai 28 an endik lai a telpui.
Swab test hi Coimbatore leh Nilgiris district-a sai 56 hnenah nimin khan neih a ni a. Vandalur, Chennai sahuan Arignar Anna Zooligical Park-a sakeibaknei nu pakhat covid-19 vanga a thih vang leh a dang 9 an positive vangin sai hi endik an ni ve ta a ni.
He camp pahnihah hian sai pa 18 leh a nu 10 an awm a, heng zinga 3-te hi mihringte khawi an ni a, 5-te chu safari sai an ni a, sai 4 upa tawh deuhte an ni.
Sai enkawltu (mahouts) mi 60-te leh an chhungte chu camp-ah hian vaccine pek ve nghal an ni bawk.
Minister hian helai ram biala sai sualin thil a tihchhiatsak chhungkuate tan tanpuina Rs. nuai 3.5 a hlan nghal.
Hei bakah hian anti-poaching squad hnenah uniform a sem nghal a, forest guard hnenah PPE Kit a pe bawk.
Heng saite bakah hian Nilgiris district-a Mudumalai khuaa Theppakadu camp-ah sai 28 sample lak an ni bawk.
Forest Minister hian sample-te hi Izatnagar, Uttar Pradesh-a Indian Veterinary Research Institute hnenah thawn turin thuchhuah a siam tih forest department-in an puang.