Boruak zing chuk leh khaw hmuh theih chin tawi avangin thlawhna tumhmun lian tak taka tum tumte chu tumtir theih an ni lo.
New York leh Philadelphia bakah mid-Atlantic region te, Ohio thleng pawhin Ningani khan a ni hnih nan thlawhna tum hleihtheih a ni lo va. Newark, New Jersey pan tura chhuak tur pawh tihkhawtlai vek a ni bawk.
Washington, DC-ah pawh White House chuan Pride Month event an huaihawt tur chu meikhu avangin an sawn a, Washington Nationals baseball team pawhin chawhnu lama an inkhelh tur chu kangmei a nasat zual zel avangin an sawi bawk.
Pathianniah thlir thawh zawng a inthlak hunah chuan meikhu zam hi a reh rin a ni tih National Weather Service meteorologist Peter Mullinax chuan a sawi a. Ruah tlak tlemna US hmun thenkhatah pawh ruah a thlen thei niin a sawi.