Tottenham Hotspur chuan Leicester City midfielder James Maddison chu lakluh tumin an ngaihven.
Kum 26 mi hi Spurs hian season engemaw zah chhung an enthla tawh a, an head coach thar Ange Postecoglu chuan tun nipuia lakluh a duh niin an sawi.
Leicester City hian Premier League atanga an tlak avangin an midfielder rinrawl hi chhuahtir an pawi ti lova, England team-ah hmun chan zel a duh avangin Maddison hian Premier League a khelh zel a duh bawk.
Leicester City hian a manah Pound maktaduai 50 vel an beisei a, nimahsela Maddison hian kum khat chauh a contract-ah a neih tawh avangin Spurs in man tlawm zawka lakluh an tum.
Hetihlai hian Newcastle United leh Arsenal te pawhin an ngaihven ve thova. Nimahsela Arsenal in West Ham midfielder Declan Rice leh Brighton & Hove Albion midfielder Moises Caicedo te an dah pawimawh zawk avangin an chuh na chiam dawn lo niin an ngai bawk.