Czech player Karolina Muchova chu French Open hmeichhe inelna rankings hniam ni chunga final khel thei tlemte zingah a tel a. Belarusian second seed Aryna Sabalenka lakah hnehna changin champion lai Iga Swiatek nen final an khel dawn.
World rankings a no.43 ni mek Muchova hian a khingpui hi 7-6 (7-5) 6-7 (5-7) 7-5 in a hneh a. Set hnuhnung berah 5-2 a hniam zawk a nihlaiin match point a hmachhawn hman a, mahse bei letin a tawpah hnehna a chang ta zawk.
Kum 26 mi Muchova hi final a a hmachhawn tur Swiatek bakah kum 2017 champion Jelena Ostapenko leh Renata Tomanova te tih lova final khel thei ranking hniam ber a ni.
“A tawp kan thlen dan kha ka chiang tawh lo zawk, ti khawp chuan final ka khel tur hi han awih mai har ka ti. Ka tlawm lohna tur khan theihtawp chhuahin ka bei a, a tawpah ka hlawhtling ta a ni.” tiin Muchova chuan a sawi a. Kum hnih kalta a doctor ten a inhliam nasat avanga chawlh a ngai mai thei tia an hriattir hnuah a invawrh sang leh hle.