Aizawl: Mizoram Pradesh Congress Committee (MPCC) chuan Congress party atanga a bân chungchangah KS Thanga’n a tih phak tawk leh a tihawm tawk a ti nia an hriat thu leh a tul dan angin defamation case an la ngaihtuah tur thu thuchhuah an siam.
Inrinnia an thuchhuahah MPCC hian KS Thanga hian Congress party-ah dinhmun tha a chan lai pawhin Congress party mi mai ni lo, Mizoram mipuiin a mizia chiang taka an hriat thu avangin, parliamentary secretary leh minister dinhmun hiala hlang kaitu, Congress party a chhuahsan tak beih let nana a thuziakte pawh a mizia enin a tihawm tawkah an ngaih thu tar langin, an party mipuite tumah chiai lo turin an ngen.
MPCC chuan June 9, 2023-a KS Thanga bânna lehkhaah khan thu dik lo leh puhna dik lo (allegation) tam tak a awm tih tar langin, “Kha’ng thu dik lo leh puhna dik lote kha kan president zahawm tak tihhminghliau tumna a nih bakah, mawi lo taka Congress party beihna a nih avangin a tul dan angin defamation case pawh kan la ngaihtuah ang,” an ti.
MPCC President Lalsawta’n Pathian rawn chung zela Congress party a kaihhruai danah chu tha an tih thu leh an la rintawk thu an tar lang bawk.