Aizawl : Kolasib bialtu MLA, Minister ni bawk K. Lalrinliana’n Inrinni khan a bial chhung Bairabi kh- uaa hmasawnna hnatha- wh hrang hrang a endik.
K Lalrinliana chuan ‘River training works at Tlawng River, Bai- rabi’ a hnathawhna kal mek te, Bairabi North leh South-a in hmun neilote tana MLA fund hmanga inhmun ruahman sakna kal mek te, Zophai ramri hnaih inkalpawhna thawmṭh- at hna kalpui mek te leh Bairabi Games and Sports Association Football khelmual laih hna thawh mek te a tlawh a. Er. Lalbiakzuala Filling Station, Bairabi North-ah a hawng bawk.
Tlawng tui lian avanga Bairabi South-in harsatna an tawh thin sutkian nana ‘River Training Works at Tlawng River’ hna thawh mek chu hmun 4 a ṭhen niin, thawktu mi 4 an awm a. Bialtu MLA-in a tlawh lai hian khawtlang hruaitute chuan tui lianin kopang a lak hek zel venna tura hnathawh ṭhen 1-na, ṭhen 3-na leh ṭhen 4-na chu ṭha taka thawh a nih laiin, ṭhen 2-na ah erawh beisei angin hna kalpui a nih loh thu an lo thlen a. Hetianga hna a khaihlak reng chuan ruahtui tlak tam hunah harsatna lian zawk a thlen an hlauhthawn thu an sawi.
Minister ṭawiawm- tu EE, National Highway Division III Er. R. Lalduhthlanga chu- an River Training Wo- rks chu October ni 17, 2023 chhunga zawh hman tura ruahman a nih thu leh hna zaa 70 thawk zo tawh anga chhut a nih thu a sawi.
Inhmun nghet nei lo ten insakna tur hmun an neih ve theihna tura MLA fund hmanga Bairabi South-a inh- mun 56, Bairabi South lei bula inhmun 43 leh Bairabi North-a inh- mun 56 ruahman te chu Minister K. Lalrinliana chuan tlawhin a endik a. Bairabi GSA tana Football khelmual laih mek chu a tlawh bawk a ni. Supply Minister hian Zophai ramri hnaih a inkal- pawhna ṭha a awm theih nana kawng thawmṭhat hnathawh a tlawh a, ramri venhim nan leh ram hauh nan Zophai hmun a hmasawnna hnathawh kalpui a pawimawh thu a sawi bawk a ni.