AZL: Zirtawpni kalta tlai dar 2 vel khan hnam dang pakhat chu Falkland veng, Aizawla hmun pakhatah amah leh amah a inkaphlum.
Mizoram Police-te hnena thu dawn danin amah leh amah inkaphlum nia hriat hnam dang pakhat hi amah hre tura an chhuinaah document hmuh thei ang angte atanga a lan danin Jones Cedric Goeffrey, kum 62 vel niin a permanent address chu Vishakapatnam, Andhra Pradesh nia hriat a ni a. A chen mekna erawh Sunkadakatte, Bengaluru, Karnataka tiin a inziak a ni.
He thu buatsaih a nih lai thlengin a chhungte biakpawh tuma hmalaknain hma a la sawn thei lo a, Civil Hospital, Aizawl morgue house-ah dah mek a ni.
Mizoram Police chuan Mizorama a kal chhan emaw, amah hria emaw an awm chuan Bawngkawn Police Station, Ph – 0389-2340758/87947 47292-ah hriattir turin an ngen.