Gujarat-a Congress -in tuialhthei man sang tihhniam phutna an lantirnaah phalna la hmasa lova an inhawr khawm avangin police-ten mi 100 chuang an man a. An zingah hian MLA leh an hruaitute bakah party worker an tel.
Congress party hian Ahmedabad, Gandhinagar, Rajkot, Bharuch, Palanpur leh Vadodara-ah tuialhthei man sang duh lohna leh tihhniam phutna lantirna an huaihawi.
An party state president Amit Chavda chuan Gandhinagar-ah a ho va, state unit chief thin, Bharatsinh Solanki chuan Vadodara-ah hovin an worker-ten hruiin car an hnuk.
Ahmedabad-ah chuan MLA hlun leh Opposition Leader Shailesh Parmar-an duh lohna lantirna hi a ho thung.
Police chuan khawpui hrang hrangah phalna la hmasa lova lungawi lohna an lantir avangin Congress worker 100 chuang man an nih thu a sawi.