Deputy Chief Minister Tawnluia chuan Inrinni chawhnu khan MLA hlui Col. Lalrawnliana, ex-MNA lehkhabu, ‘Ramhnuai Mi – An Autobiography’ tih chu Dawrpui Multipurpose Hall-ah a tlangzarh.
Tlangzarh inkhawmah Tawnluia hian lehkhabu ziaktu, Col. Lalrawnliana chuan ramhnuai sipai huaisen, hnam sipai tangkai, raldonaa sulsutu a nih thu leh mahni inthunun thei bik a sawi a. “Mi pakhat a tling a ni,” tiin, a lehkhabu ziak pawh a hluin a tangkai hle dawn tih a sawi.
Inkhawm hi Lallungmuana, Tuikhuahtlang-in a kaihruai a. Prof. Jangkhongam Doungel (Pol Sc Dept, MZU) chuan lehkhabu thlirlawkna hun a nei a. Lehkhabu ziaktuin thu a sawi bawk.