Lungleia sak mek Kendriya Vidyalaya School (K- VS) leh Lunglei Market & Trade Centre te chu Inrinni khan Commerce & Industries Minister Dr R. Laltha- ngliana’n a tlawh a. Thawktute nen hna kal mek dinhmun leh hma- chhawp te an sawiho.
Commerce & Indu- stries Minister chuan KVS chu India ram huap pawha zirna in tha leh hmingthang a nih thu sawiin, zirlai tam zawk an luh thuai theihna turin project chu uluk taka thawk tur leh hun bi tuka zawhfel a nih theihna na tura hma la turin a chah.
KVS, Lungleiah hian Class I – Class X awmin, zirlai 250 an awm a, zirtirtu nghet 14 leh contract 4 bakah non-teaching staff 6 an awm mek.
KVS Lunglei tihchangtlun hna hi sorkar laipuia Ministry of Hu- man Resource Development kaltlangin kum 2018 khan Rs. nuai 2385.37 ruahman niin, Mizoram Agriculture Marketing Corporation (MAMCO)-in he hna hi an thawk mek a. MAM- CO JE ST Lalthanzauva’n a sawi danin, an hnathawh a tluang a, hna zaa 90 zo tawhin, rokhawlhna dang a awm a nih loh chuan kumin August-ah zawhfel hman an inbeisei a ni.
Lunglei Market & Trade Centre tur chu NEC sum Rs. nuai 1403.40 hmanga sak mek a ni a. He market-ah hian stall 339, motor 30 lenna car parking, 2 wheeler 71 lenna parking, police beat post, market office, toilet 34 te bakah kudam leh bawlhhlawh dah khawmna te pawh tura ruahman a ni.
Contractor Lalzoth- anga Maubawk, Aizawl niin, chhawng li-a sak tura ruahman, ni 25.08. 2024 a zawh hman tura ruahman a ni.
He gro und water irrigation-in tui a pump chhuah chak zawng second khat zelah litre khat a ni a, RCC a siam tui dahkhawlna litre 39,250 lenna reservoir pasarih buatsaih a ni bawk.