Zirtawpni kaltaa Falkland Veng, Aizawla hnam dang pakhat, amah leh amah inkap hlum hming chu a chhungte biakpawh a nih hnuah a Jones Cedric Goeffrey a ni tih hriat a ni tawh.
Mizoram Police-te sawi danin Jones Cedric Goeffrey hi a chhungte biakpawh an nih hnuah Mizorama phum mai turin thutlukna siam a ni a. Vawiin hian Zuangtui veng thlanmuala phum tura tih a ni.
Mizoram Police-ten mitthi hi amah hre tura an chhuinaah document an hmuh theih ang angte atanga a lan danin, Jones Cedric Goeffrey, kum 62 mi vel niin a permanent address chu Vishakapatnam, Andhra Pradesh nia hriat a ni a. A chen mekna erawh Sunkadakatte, Bengaluru, Karnataka tiin a inziak thung.
A chhungte biakpawh theih a nih hmain Civil Hospital, Aizawl morgue house-ah a ruang hi dah a ni.