BJP Mizoram Vice President R Vanramchhuanga chuan Mizoram state sorkarteah rinawmna hmuh tur a awm lo tih a sawi.
Nimina BJP in chawlhkar thar inhlanna hun an pisa-a an neihah R. Vanramchhuanga chuan BJP chu ‘he ramah awm la, rinawmna um zel rawh’ tih chu an chang vawn a nih angin rinawm taka ram rawngbawl tur an nih thu a sawi a. Mizoram hian a chanvo dik tak a chan theihna turin BJP Mizoram te hi an awm tih a sawi.
R Vanramchhuanga chuan Mizoram chu ram dangin an hriat dan lawmawm tak pakhat chu ‘Nghah loh dawr’ awmte hian Mizote rinawmna a tar lang tih sawiin, “Nimahsela, chu kan rinawmna chu kan state sorkarah te kan hmu lo niin a lang thung a, a chhan chu kan state hmasawnna kan neih dan en hian a chiang a ni. Kristian ram kan inti thin a; mahse, state dangte leh ram dangten min hriat lar dan nen chuan kan Kristianna chu an hmu lo niin a lang thung,” a ti.