Aizawl: Govt. Aizawl College chuan nimin khan Mualpuia an college campus-ah Green GAC Day, 2023 hawnna hun an hmang a, a hmanpuitu, Forest Minister TJ Lalnuntluanga’n Mizoram boruak tha leh thianghlim chu sum thawh chhuah nan a hman theih tih a sawi.
Forest Minister Manuna chuan mipui thinlungah thing phun pawimawhzia a thawk na zel a, ram pawhin hma a sawn phah a, forest cover pawh 84.5% a nih thu sawiin, Mizorama boruak tha leh thianghlim chu sum thawhchhuah nan an hman theih a, khawvelin a buaipui em em ‘carbon credit’ hmangin ram hmasawnna tur sum a thawh chhuah theih tih a sawi a, tha thlah loa thingphun uar a, enkawl zui kawngah tan lak zel a tul tih a sawi.
Green GAC Day hawnna inkhawmah hian GAC Principal Lalbiakzuala pawhin thu a sawi a, inkhawm an neih zawh hnuah minister ho hian campus chhungah thing an phun a, tiak 200 chuang an phun a ni.
Govt. Aizawl College, Mualpui campus-ah hian zirlai 2,260 vel awmin teaching staff 60 leh non-teaching staff 20 vel an awm a. Sikulpuikawnah pawh campus neiin, BA bakah education deparment-ah MA zirna a awm a ni.