Spanish champion FC Barcelona chuan Villarreal midfielder Alex Baena chu an ngaihven uluk hle a, Manchester City midfielder Ilkay Gundogan hma hun a la chian loh avangin duhthlan tur dang an neih an thlir.
Kum 32 mi Gundogan hian tun thla hian contract a hmang zo dawn a, City in ziah belh turin contract thar an zawrh mek. Hetihlai hian Barcelona pawhin free transfer a an club zawm turin contract an zawrh ve bawk.
Barcelona hian an sum dinhmun in a zir chuan Baena nen hian lakluh kawp an duh a, manager Xavi Hernandez chuan an goal nawr lama pui thei tur midfielder an mamawh thu a lo sawi tawh.
Xavi hian tun season-ah an rinrawl Pedri a inhliamin chance siam leh tlarhnung thiah an harsat niin a ngai a. Hei vang hian Gundogan leh Baena te nen sawizawm an ni.
Kum 21 mi Baena hian tun season-ah Villarreal tan match 48 khelin goal 12 a khung bakah midang khung tur vawi 6 a siamsak a. Mamawh dan angin a laiah leh veilam sirah a khel thin.