Aizawl: BJP Mizoram State General Secretary Lalthangmawii chuan National Highways & Infrastructure Development Corporation Ltd (NHIDCL) Executive Director Virender Kumar Jakhar chu a pisa-ah nimin khan kawmin Lunglei atanga Tlabung inkar kawng siam mek avanga mipuiin harsatna an tawhte sutkianpuia hmalaksak turin a thlen.
NHIDCL executive director hnenah Lalthangmawii chuan Lunglei atanga Tlabung inkar kawng laih mek chu fur a nih chhoh mek avangin he kawngpui hmangtuten inkalpawhna kawnga harsatna an tawhte chu a theih ang anga siamsak tur leh motor tlan theih lohna lai leh kawng nal zual lai te, lirthei kal theih lohna hmun apianga JCB emaw duty-tira a tul anga khualzin bakah ni tin mamawh phur lirtheiten harsatna an tawh lohna tura duty siam turin a ngen.
Kumar Jakhar pawhin he kawng hmangtute’n harsatna an tawhnaah harsatna lian tham an tawh lohna tura hma an lak nghal tur thu leh, kawng chhe lai leh nal laia lirthei tangte a tul anga lo tanpui turin JCB-te duty-tir an nih tur thu Mizoram BJP General Secretary a lo hrilh a ni.