Mizoram State Chief Information Commissioner Lalnunmawia Chuaungo chuan Larsap Dr Hari Babu Kambhampati hnenah CIC a nihna atanga banna a theh lut a. CIC atanga a bân chhan hi political party-ah a luh dawn vang nia ngaih a ni.
The Zozam Times zawhna chhangin Lalnunmawia chuan Thawhtanni tlai khan larsap hnenah hian CIC a nihna atanga bânna a theh luh thu sawiin, Chief Minister Zoramthanga hnenah pawh a bânna lehkha copy hi a kut ngeiah hlanin, CIC thar ruat vat a tul thute a thlen tih a sawi a, CIC thar ruat a nih hma chuan a hna hi June 19 thleng chelh riha, chumi hnuah a chawlhsan tawh dawn tih a sawi a ni.
Political party zawm tumna a nei nia sawi chungchang zawhna chu chhangin Lalnunmawia chuan, “Hunin a la hril ang chu, tunah chuan sawi thei dinhmunah ka la ding rih lo,” a ti.
Hetihlai hian Lalnunmawia hian Mizoram political party hlun tak pakhat a zawm dawn niin thuthang a awm a, social media lamah pawh party a zawm tum hming nena tar lannate pawh hmuh tur a awm.
Lalnunmawia hian Mizoram State Chief Information Commissioner hna hi November 21, 2021 atang khan a chelh tan a, kum hnih chhung he hna hi chelh hman a ni.