CoWin-a mi mal chanchin put tih hi chanchinbuten an tar lan atanga hriat a ni a. YouTube video pakhatah Telegram hmanga Kerala-a politician hriat hlawh tak takte nihna kimchang hriat a nih theih dan an tilang chu an tar lang hlawm.
Malayalam media outlet, ‘The Fourth’ an tih hian engtin nge mi mal chanchin – date of birth, vaccine lak dawna lehkha an hman, dose khatna an lakna, mipa nge hmeichhia an nih leh phone number neih theih dan an tilang a ni.
News outlet dangten heta an thil hai chhuahte hi a dik ngei em tih an ennaah a lo dik vek bawk a, heta tang hian CoWin-a thil chhinchhiahte hi a him tawk lova ngaih a ni ta a ni.
Tunah hian an hai chhuahna ber Telegram bot hi tihtawp leh a ni tawh.
Telegram thupuangtu chuan hetiang bot lo hman leh siam hi an thil hmangtuten an dan zam an bawhchhiatna a nih thu a sawi.