Iraqi khawpui pakhat, Nasiriya-a conoravirus kaite enkawlna damdawi in bika kangmei rapthlak tak chhuakah mi 60 chuang an thi.
Iraq-a an damdawi inte hi kum tam tak chhung indona avangin a dinhmun a tha lo hle a. Chhiatna a thlen hnuah hian mitthi chhungte chuan damdawi in pawnah duh lohna nasa takin an lantir zui.
al-Hussein damdawi in kan chhan hi hriat mai theih a la ni lo va; mahse, sawi dan thenkhatah chuan oxygen tank (dahna) a puak.
Iraqi Prime Minister Mustafa al-Kadhimi chuan damdawi in hotu manna tur thupek a chhuah nghal.
Sorkar chanchinbu chuan thi hi 64 niin a tar lang a, mi 70 dawnin hliam an tuar bawk niin a sawi.
Iraqi parliament speaker Mohammed al-Halbousi chuan Twitter-ah Iraqi-te nunna chhan tuma beihna hlawhchhamna lian tak lantirtu a nih thu leh hetiang chhiatna thleng thin hi tihtawp nghal a tul thu a sawi.
Reuters news agency chuan chhiatna thlenna hmunah hian thi chhungte leh police an innawr nasa hle a, police lirthei pahnih hal a nih thu a tar lang.