Excise & Narcotics Department (END) in hmun hnihah ganja leh heroin an man.
Thawhtanni chawhnu dar 3 khan END hian Khatla South (Tlawng Road), Aizawl-ah ganja kg 21 & gram 900 (fun 16) leh a neitu nia puh mi pathum – J.H. Lalngaihawma (32), Maubawk; Joseph Lalnunthara (23), Maubawk leh Roluahpuii (26), Khatla South-a khawsa nia inchhalte chu an man.
Ganja phurh kualna atana hman scooter – regn no – MZ01 W 9493 pawh hrensak an ni. Heng ganja man te hi Tripura state lam atanga lo kal nia hriat a ni.
Thawhtanni zan dar 10:40 khan END hian Ruantlang, Champhai-ah heroin gram 80 & 700 mgs (hawng 6) leh a neitu nia puh – Zaisiamthanga (27), Champhai Vengthlang (Rahsi Veng)-a khawsa nia inchhal an man bawk.
Heroin leh ganja vanga mante hi dan tlawhchhanin thubuai siamsak an ni.