Pathianni kalta tlai atanga bo, Rohmingi w/o Gurunga (L), Buangpui khua chu nimin chawhma dar 11:40 khan dama hmuh a ni.
Rohmingi hi Thenzawla a khawsakna, J Lalchhuanawma te in, Thenzawl Vengthlang atanga Pathianni tlaia a chhuak chu chin hriat loha awmin chhungkhat laina leh mi tlawmngaiten an zawn hnuah nimin khan Thenzawl Joint VC leh YMA bultumin Thenzawl leh a chhehvel khuaten khawtlang huapa zawn an kalpui hnuah Thenzawl daia Sakhik ramah lo awmin, thawm a lo nei chu bo zawngtute hian an hmu a ni.
A zawngtuten an hmuh hian a taksa pawh a chau lutuk lo a, a harh tha a. Thenzawl damdawi inah endik tura hruai nghal a ni.
Rohmingi hian fa pathum neiin thla hnih vel kalta khan a pasal (Gurunga) a sun a ni.