Hollwood writer ho lungawi loh lantirna kal zel chuan lemchan khawvelah harsatna thlen zelin, Avatar leh Marvel kutchhuak film thar ate chu sawn hlat dawrh an ni.
Avatar producer Jon Landau chuan, “Avatar film tin mai hi nghahhlelhawm tak tak vang ni mah se, keini ang film siamtute tan chuan mipui beiseina tihlawhtling ngei turin quality level pawh tihsan hle a ngai a, engpawhnise, December 2025-ah te chuan kan thlir thei tawh mahna,” a ti.
Director James Cameron khan Avatar 3 hi December 2024-a tlangzarh tur a nih thu hmun tam takah sawi tawh mah se, writer ho nawrhna avangin kumkhat dawrh sawnhlat a ngaih phah dawn a, Avatar 4 phei hi chu December 2029 tinzawn nghal niin, Avatar 5 hi 2031 hmalamah en theih a ni lovang.
Walt Disney company pawhin Marvel film pahnih, ‘Thunderbolts’ leh ‘Blade’ te chu writer ho nawrhna vangin tlangzarh hun tur an sawn hlat vek thu an puang ve bawk.