Karnataka Chief Minister B S Yediyurappa chuan nimin khan an state-a Below Poverty Line (BPL) chhungkaw zinga mi, puitling chin, hna thawk thei chinte coronavirus avanga thi chu tanpuina Rs. Nuai khat an pe dawn tih a puang.
Chief minister hian tanpuina sum dawng thei hi chhungkaw 25,000 atanga 30,000 vel an nih a rinawm thu a sawi bawk.
Hemi atan hian state sorkar chuan Rs. Vaibelchhe 250 atanga Vaibelchhe 300 zet a ruahman thu a sawi bawk.
Karnataka-ah hian mi 32,913 zetin Covid-19 hi an thihpui tawh a. Darkar 24 liam ta chhungin mi 125 thi awm leh hmanin mi 7,810-in an kai tih an hmu chhuak leh hman bawk.
Chhim lam state-a hri kai hmuh chhuah hi mi nuai 27.65 an tling tawh tih state health department chuan a sawi.