Aizawl : Kolasib bialtu MLA, Minister ni bawk K. Lalrinlia- na’n Kolasib-a sorkar department office hra- ng hranga hotute a kawm a. District tihhmasawn hna tha tak kalpui tur chuan sorkar hnathawkte inkarah inpawhna leh thawhhona tha a awm a pawimawh thu a sawi.
Hmasawnna inkhai- rual leh mumal zawk a awm theih nan inhmu- hkhawm fo a tul thu leh Office hrang hrangin an hnathawhte an inhriatpuitawn a pawimawh thu K. Lalrinliana chuan a sawi a. Sorkar hnathawkte chu mipui tana rawngbaw- ltu, kuthnathawktute leh khawsak harsa za- wk te chawikanna tura mawhphurhna pawimawh tak tak chelhtute an ni tih hre reng tur leh hmalakna rintlak chauh kalpui thin turin a chah.
Kolasib Bawrhsap John LT Sanga pawhin Kolasib district chu Mizoram luhka, state thenawmte nena ramri thui tak intawm leh Mizoram hmel tilangtu pawimawh a nih avangin sorkar hnathawkte chu ram leh hnam hmel lang mawi tura mawhphurhna pawimawh tak nei an nih thu a sawi.
Kolasiba Office hr- ang hrang hotute Minister-in a kawmnaah hian In sak tanpuina pekchhuah dan te, Ba- wktlang Sub-Station pa- nna kawng thawmthat ngaihpawimawh a tul thu te, mipuiin tangkai taka an hman turin hmun hrang hrangah Fair Price Shop sa tura hmalak dan tur te an sawiho a. Hriselna tihhmasawnna kawnga program hrang hrang kaltlanga hmalakna kalpui a nih dan te, ei leh bar intodelh tura buh, thlai leh ran vulh kawnga hmalakna te sawilan a ni bawk.