Nigeria chhimthlang lama River Niger-ah mihring phur lawng letin a chuang zinga mi 100 chuang an tla hlum a, thahnem tak an chin hriat an la ni lo bawk.
Lawng hi Kwara state-a inneih inkhawma tel zo mi 300 chuang phur niin Niger state pana an kal chu an chesual a ni.
Chhanchhuah leh mi zawn hna thawh mek zel a la ni a, thi dang pawh an hmuh ngei a rinawm hle niin thuneituten an sawi.
Chetsualna thlenna bul khuaa lal chuan lawng hian thingkung a sut hnuah a let ta niin a sawi.
Kwara state Governor AbdulRahman AbdulRazaq chuan, “Mi thahnem tak an thi a, tam tak chin hriat a la ni lo bawk,” tiin Thawhlehni khan a sawi.
Heng lai vela an tih thin dana Patigi vela roreltu, Emir Ibrahim Umar Bologi II chuan mi 150 chuang an thi niin a sawi.
Chanchinbu mite hnenah lui tui fawn nasa chuan lawng hi a khuh hlup hlup a, thingkung a sut phah a, chumi hnuah a let ta niin a sawi.
Kwara state police thupuangtu chuan chhanchhuah leh chin hriat lohte zawn hna thawh mek a la ni a, thi hi an pun ngei a rinawm hle niin AFP news agency hnenah a sawi.
Kwara state governor Mr AbdulRazaq chuan thi chhungte a tawrhpui tak zet thu a sawi a, chhanchhuah hna thawktuten theihtawp chhuaha an la beih zui zel thu a sawi.