Manchester United chuan England winger Jadon Sancho chu hralh an phal a, Aston Villa in kum 23 mi hi duh mahse Pound maktaduai 60 a lei an inhuam lo. (Football Transfers)
Manchester United hi Sheikh Jassim bin Hamad Al Thani in a lei a nih chuan Paris Saint-Germain atanga France forward Kylian Mbappe, 24, lei tumtu langsar ber an ni ang. (Metro)
Chelsea pawhin Mbappe hian PSG-ah contract a ziah belh tawh dawn lo tih a hrilh avangin ngaihven ve tura ngaih an ni. (Times)
Real Madrid chuan tun nipuiah Mbappe hi lakluh an duh ve thova, hei vang hian Tottenham in England forward Harry Kane, 29, an chelh zel theihna a sang ta hle. (Daily Mail)
Manchester City in nipui a an chetdan tur an ruahman fel hma in Germany midfielder Ilkay Gundogan, 32, leh Portugal forward Bernardo Silva, 28, te hma hun chian phawt an duh. (Manchester Evening News)
Arsenal chuan an squad-ah an club player manto ber Nicolas Pepe chu telh leh an tum tawh lova, kum 28 mi Ivory Coast forward hi tun nipui a chhuahtir an duh. (Telegraph)
West Ham United chuan chhuak tura ngaih England international Declan Rice, 24, thlaktu atan Valencia atangin kum 20 mi United States midfielder Yunus Musah an tinzawn dawn. (CBS)
Chelsea leh Belgium striker Romelu Lukaku, 30, chu season khat a Pound maktaduai 20 chuang hlawh turin Saudi Arabian club Al-Hilal in an sawm. (The Guardian)
Aston Villa leh Wolves te chuan Borussia Monchengladbach a khel kum 22 mi French midfielder Manu Kone chu an ngaihven a, Liverpool nena sawizawm lai a ni. (Daily Mail)
Bayern defender Lucas Hernandez chuan Paris St-Germain zawm a duh a, Bayern in manah Euro maktaduai 60 tal an beisei. (Sky Sports Germany)