Real Madrid chuan England midfielder Jude Bellingham chu Borussia Dortmund atangin kum ruk chhung atan an lalut fel.
Spanish club hian kum 19 mi manah hian Euro maktaduai 103 an pe phawt dawn a. A khelhdan a zirin pek belh theih a la ni a. Heng zawng zawng hi an pe tla vek a nih chuan Euro maktaduai 133.9 man a ni ang.
Birmingham City atanga football zinkawng bul tan Bellingham hi zanin hian Real Madrid in an player thar niin an phochhuak ang.
Bellingham hian a club hlui thlahin, “BVB a awm zawng zawngte chungah lawmthu ka sawi a, tunhnai kum thum duhawm tak avangin fans te chungah pawh lawmthu ka sawi.”
“Hun ropui tak leh hun harsaahte pawh Dortmund kawr ha chunga hun tam tak ka hmang kha ka tan chuan thil hlu tak a ni.”
“Ka hmalam hun phur takin thlir tawh mah ila tun hun thleng tura ka zinkawng ka theih loh. Borusse vawikhat ni tawh chu Borusse a ni reng tawh ang.” tiin a sawi.
Bellingham hi Bundesliga Player of the Season a thlan a ni a, Dortmund in kum 11 chhunga an league title hmasa ber an lak teuh viau na kawnga team khaipa ber a ni fo.
English footballer zinga manto ber dawttu niin Jack Grealish chiah ani aia to an awm.