South Korean actress lar Park Soo Ryun thih thu kal zelah BLACKPINK Jisoo chu tunlai hian social media lamah na taka beih zui niin, an sel nasa hle.
Jioso leh Park te hi K-pop drama-ah an inlan dun a, film pakhata chang dun na na chu inhre tha a, innel pangngai tak ni turah fan tam takin an ngai.
Heti chung hian tunhnaia kailawn atanga tlahlum Park thihnaah Jisoo hian ui thu emaw thlahna lam hawi pakhatmah a sawi/tarlang lova, nimin piah mai khan Australia-ah BLACKPINK singer hi a thiante nen hlim taka an party lai thlalak a darh huk bawk nen, fan te chuan Jisoo hi lainat nei lo leh mi hriatthiamna nei lovah puhin, an thinriman leh lungawilohna chi hrang hrang an tarlang chuai chuai.