United States khawthlang lam, California state-a khawkheng nasa tak chuan thil duhawm danglam tak a chhuah beiseina pakhat a awm mek a. Thuneitute chuan kum 1960 chhova dila thlawhna tla ruangam ni awm tak an hmu.
Kar hmasaa an thil hmuh hian hun rei tawh tak chhunga thil mak nia an lo sawi chu a tihfiah theih an beisei.
Thlawhna ruangam (nia an hriat) an hmuh hi kum 1965 kum thar ni taka Piper Comanche 250 bo ta daih ang chiah kha a ni.
Tun hnai lam zirtu (underwater surveying company) chuan Sacramento bula Folsom Lake bulah hian an hmanruate chhawp hnaiin dila a thuk lai bera thil awm chu an zir chiang vel mek.
Kum 1965-a thlawhna tlaah khan mi pali an chuang a, an thi vek a. Pilot ruang chiah hmuh niin a mi phurh pathumte chu an chin an hre lo va, kum 2014 thleng khan zawn an la ni.
Survey company, Seafloor Systems hi he dil tui kâm mek zela sonar device hmanga thil danglam deuh hmu hmasa bertu an ni.
Seafloor Systems-a thawk, Tyler Atkinson chuan, “Thil pangngai lo ka hmu a ni,” tiin CBS News hnuaia mi, KOVR hnenah a sawi.
Hnai deuh zawka an en chian chuan thlawhna ni ngeia hriat a ni a. Hriat theih china tui a kâm lai ber hian team chuan thlawhna mei leh thla vel thla an la thei.
Tual chhung sheriff pisa chuan thlawhna lak chhuah phalna a pek a ngai dawn a. Sorkar atanga chhuina erawh engmah an nei ve lo niin KOVR chuan a sawi.
Folsom Lake-a tui hi a state pum khawkheng avangin nih dan pangngai thin 38% chauh a awm mek a. Kar hmasa khan California Governor Gavin Newsom chuan ram bial 58-a 41 zet chu ‘khawkheng’-ah a puang a. Ram bial pathum chu he dil hual veltu hi an ni nghe nghe.