India rama a vawi- khatna atan MIT-School of Government (SOG)-in Mumbai-ah National Legislators’ Conference (NLC) a buatsaih a, nimin khan he conference hi tan niin, Mizoram atangin Assembly Speaker Lalrinliana Sailo hovin political party hrang hrang aiawh MLA 6 – K.T Rokhaw, Nihar Kanti Chakma, H. Lal- zirliana, K. Pachhu- nga, Vanlalthlana leh BD Chakma te bakah Commissioner & Secretary Lalhmahruaia Zote leh Jt. I&PR Director PB. Lianthangpuii leh Assembly Secretariat atangin officer leh staff 4 an tel.
NLC hawnnah hian Lok Sabha Speaker lo ni tawhte, India ram state hrang hranga Assembly Speaker leh Council Chairman te, Central leh State hrang hrang sorkar mi pawimawh engemawzat an tel bawk.
MIT- SOG Foun- der, CEO ni bawk Rahul V. Karad chuan NLC hawnna inkhawm chu a kaihruai a. Conference thlengtu Maharashtra sorkar aiawhin Assembly Speaker Ra- hul Narwekar-a’n inlawmna thu sawiin, NLC vawikhatna Mu- mbai khawpuia nghah a ni chu lawmawm a tih thu a sawi.
Maharshtra state in din chhoh dan leh hruaitu hmasa ten India rama state changtlung leh pawimawh ber pakhat ni tura hma an lo lak dan te a sawi a. India ramah parliamentary democracy a hlawhtlina, hma a sawn zelna tura legislators ten inpawh taka sawihona leh zirhona hun an hmang tur chu phurawm a tih thu leh rah țha a chhuah ngei a beisei thu a sawi.
NLC hi Jio World Convention Centre, Bandra-ah ni 3 chhung neih chhunzawm a ni dawn a. India ram state hrang hrang atanga legislator rual ten ma- hni ram leh ziarang inhriat tawnnate, ngaihdan thawhkhawm leh sawihona hun te, dem- ocracy țhan zelna tura pawimawh te, rorelna țha nei tura legislator te hmalakna tur te, zirna lama hmasawnna rualkhai zawka kalpui dan turte, sum leh pai dinhmun țhanna atana hmalakna tur pawimawh leh area hrang hranga hmasawnna turte an sawiho dawn a ni.