NBA team te ngaihven hlawh All-Star guard Bradley Beal lakluh inchuhna a intan dawn a. Washington Wizards in trade hmanga chhuahtir dan kawng an ngaihtuah.
Wizards president Michael Winger leh Beal-a agent ten inbiakna an nei a, trade theihna tur team an thlir dun.
Beal hian kum nga contract, Dollar maktaduai 251 man a ziahah a kum khatna a hmang zo chiah a. He contract-ah hian ‘no-trade clause ‘ a neih avangin a kalna tur hmun a thlang thei a, hei chauh hi ni lovin Wizards in eng ang trade nge an siam theihah thu a nei thui.
Hei vang hian Wizards in an star player, an hnena contract lian tak nei hi chhuahtir a team siksawi an tumnaah pawh Beal nena an thawhho zel a ngai.
Beal hi NBA Finals khel thei tura ngaih team-ah khelh a duh dawn nia sawi a ni a. Amah ngaihventute zingah Miami Heat, Boston Celtics, Los Angeles Clippers, Los Angeles Lakers, Philadelphia 76ers leh New York Knicks te chu an buk a rit zual nia ngaih an ni.