Aizawl: Lok Sabha MP C. Lalrosanga’n Manipur chu President’s Rule-a dah mai thaa a rin thu New Delhi-a All Party Meeting-ah a sawi.
Inrinni tlai khan thutkhawm a ni a, political party hruaitute leh aiawhten Manipur buaina chin fel dan turte an sawiho a. Mizoram MP chuan Manipur buaina tuartute tuamdam leh inremna boruak siam tura theihtawp chhuah a tul rualin buaina chhuah chhan bul tak haichhuah a ngai tih a sawi a, “An ram leilung nena inkungkaih an buaina bulpui chin fel a ngai a ni,” a ti.
Mizoram MP chuan Manipur-a sorkar chu thil awm dan ching fel zo loa an hlawhchham avangin an rorelna tihtawpsak a President’s Rule-a dah mai a tha zawka a rin thu a sawi a; inrelbawlna hrang siam ngiatnate pawh a awm a ni tih sawi telin hemi chungchang hi uluk takin ngaihtuah a ngai tih a sawi bawk a ni.