Arsenal midfielder Granit Xhaka leh Chelsea captain Cesar Azpilicueta te chuan England chhuahsanin an club thar an zawm.
Kum 30 mi Switzerland midfielder Xhaka hian Bundesliga club Bayer Leverkusen chu Euro maktaduai 25 in a zawm a, an hnenah kum nga contract a ziak.
Xhaka hian kum 2016 khan Gunners hi a zawm a, Emirates Stadium a hun a hman chhungin kum 2019 khan captain a ruat a ni hman.
Kum khat contract la nei mahse tun nipuiah chhuak tur anga ngaih a nihna a rei tawh.
Arsenal in England midfielder Declan Rice an lakluh dawn bakah Kai Havertz an lalut tawh bawk.
Gunners tan hian match 297 khelin goal 23 a khung a, FA Cup vawi hnih a chawipui.
Kum 33 mi Azpilicueta in kum 11 hun a hman tawhna Chelsea chhuahsanin Atletico Madrid a zawm.
Spain defender hian Wanda Metropolitano-ah hian kum khat contract a ziak a. Ani pawhin Chelsea hnenah kum khat contract la nei mahse chhuah a thlang.
Stamford Bridge-ah hian trophy chawi theih a chawi hman vek a, heng zingah hian Premier League vawi hnih leh UEFA Champions League te pawh a tel.
“Chelsea hi ka inpui a ni a, a ni reng bawk a, engtik ni ah emaw helai hmunah hian lo kir leh ka inbeisei.” tiin a sawi.